Սևուկ ամպեր վար եկան
Օրան, օրան,
Սարի վրա շար եկան։
Ծագեց առավոտ
Պաղեց, սառավ օդ։
Գոռաց երկինք, բուք արավ,
Հևաց, հևաց.
Ծերուկ երկիր սուգ արավ։
Ճաքեց հեռուն ամպ,
Երկիր դողաց-բա՛մբ։
Բողբոջ արև շող կապեց,
Դողաց, սողաց,
Արյուն-ամպից քող կապեց։
Վառեց լեռան լանջ,
Լեռան ցավատանջ։
Տեղաց անձրև մաղ տալով,
Մարմանդ-մարմանդ,
Հոգնած տերև շաղ տալով։
Առաջադրանքներ
1. Կարդա՛ բանաստեղծությունը և նկարի՛ր քեզ ամենից շատ դուր եկած հատվածը։
Իմ սիրած հատվածը —
Տեղաց անձրև մաղ տալով,
Մարմանդ-մարմանդ,
Հոգնած տերև շաղ տալով։
2. Բացատրիր արտահայտությունները
վար եկան — իջան
շար եկան — շարվեցին
մաղ տալ — մաղել
շաղ տալ — ցրել, տարածել
քող կապել — շղարշել
3. Փորձիր քո բառերով պատմել բանաստեղծությունը։
Ամպերը իջան կամաց — կամաց ու շարվեցին սարի վրա։ Բացվում է պաղ առավոտը։ Սկսում է քամին ու բուքը և սև ամպերը երկինքը ծածկեցին, կայծակ ու որոտ եղավ։ Տեղաց անձրև և քամին տերևները ցրեց գետիներով։
14 . Գրի՛ր տրված բառերի հականիշները:
վար- վեր
պաղել- տաքանալ
հեռու- մոտիկ
վառել- հանգցնել, մարել
5. Դուրս գրիր բանաստեղծության այն տողերը, որոնց մեջ գույն կա։
Սևուկ ամպեր վար եկան
Արյուն-ամպից քող կապեց։
Լրացուցիչ առաջադրանքներ
4. Ձայնագրի՛ր բանաստեղծությունը և նկարաշարի օգնությամբ տեսանյութ պատրաստի՛ր: